Green Day merr kryesimin e albumeve në Britani

Green Day ka marrë kryesimin e top listën britanike të albumeve me editimin e fundit “21st Century Breakdown”.
Grupi punk-rock ka mësyrë kreun duke dëbuar nga pozita e parë Bob Dylan dhe albumin e tij të ri “Together Through Life”, i cili këtë javë ka zbritur madje në pozitën e tetë.

Albumi i Green Day doli në shitje vetëm të premten dhe ky sukses i dedikohet vetëm shitjeve të vikendit. Bendi pritet të marrë edhe kreun e top listës amerikane që publikohet të mërkurën.

Albumi i Lily Allen, “It's Not Me, It's You” ka marrë pozitën e dytë në Britani, e ndjekur nga Lady GaGa me “The Fame”. Prodigy me “Invaders Must Die” dhe Pink me “Funhouse” mbyllin top pesëshin britanik.