Oasis do të japin një koncert pa pagesë

Rokerët e bendit Oasis, do t’i qerasin fansat e tyre me një koncert të lirë në Londër në muajin korrik.
Bendi britanik është shtuar në listën e yjeve për serinë e koncerteve “iTunes Live”, ku do të këndojnë edha artistë si Flo Rida, Snow Patrol, Paolo Nutini, Kasabian dhe The Saturdays.

Hyrja në koncertin e 21 korrikut do të jetë pa pagesë për fituesit e tiketave hyrëse në ueb-faqen www.ituneslive.co.uk.

Bendi do të luajë po ashtu tri koncerte (me pagesë) në stadiumin e kryeqytetit, Wembley, më 9. 10 dhe 12 korrik, si pjesë e turneut të tyre veror nëpër stadiumet e Britanisë.