Robbie Williams i frikësuar nga gripi i derrave

Duket se Robbie Williams është bërë personi i fundit i famshëm britanik i cili është kapluar nga frika prej gripit të derrave.
Këngëtari i njohur i ka brengosur adhuruesit pasi që në blogun e tij ka publikuar se ai mund të ketë marrë një virus potencial vdekjeprurës dhe se ishte në kërkim të këshillave mjekësore.

"Ika tek doktorët për të vërtetuar nëse e kam gripin e derrave apo jo”, ka shkruar Williams.

Porosia ka shkaktuar një stuhi të komenteve të adhuruesve të cilët i kanë dëshiruar shërim të shpejtë, mirëpo edhe pse këngëtari ende nuk e ka konfirmuar se ai nuk ka grip të derrave, zëdhënësi i tij ka këmbëngulur se nuk është gjë tjetër pos një ftohje e rëndomtë.

“Ai vetëm është bërë tepër i kujdesshëm me shkuarjen e tij tek mjeku. Robbie ishte duke incizuar një videoklip për singlin e tij Bodies javën e kaluar dhe është ftohur gjatë incizimeve”, ka shtuar zëdhënësi i tij.