Hugh Grant tërhiqet nga aktrimi?

Aktori i famshëm britanik largimin e tij nga karriera profesionale e ka paralajmëruar edhe para filmit të tij më të suksesshëm “Four weddings and a funeral”, por duket se paralajmërimi për largim gjithmonë i paraprin një filmi tjetër hit.
Në fakt, adhuruesit e Grantit me padurim e presin premierën e filmit të tij më të ri "Did You Hear About The Morgans?" në të cilin i bashkohet edhe ylli i filmit “Sex and the City”, Sarah Jessica Parker.

Në çdo rast, aktori ka deklaruar për revistën javore amerikane të shoubiznesit “Entertainment Weekly” se ka probleme me tremën dhe mu për këtë planifikon të largohet nga bota e kamerave dhe njerëzve të famshëm.

“Thjesht, gjatë disa viteve të fundit po ndiej tremë të madhe në incizime. Gjatë provave jam i shkëlqyeshëm, por kur t’ia fillon me të vërtetë, di edhe të ngrihem tërësisht. I kam thënë edhe vetes se kështu me të vërtetë nuk mund të punoj”, ka theksuar Grant