Qindra miliona dollarë për filmin “Avatar”

Qindra miliona dollarë për filmin “Avatar”


Shuma marramëndese prej 300 milionë dollarësh është shpenzuar per filmin “Avatar” që thyen të gjithë rekordet e mëparshme.

Lajmin e bën të ditur kompania “Fox Features”. Në një intervistë dhënë për CNN, bashkëpronari i Fox Filmed Entertainment, James Gianopulos tha se ky është filmi me i veçantë i krijuar ndonjëhere dhe paratë për të janë shpenzuar në mënyren e duhur.

Deri tani, rekordin e filmit më të shtrenjtë e mbante “Piratët e Karaibeve nëe fund të botës” me dicka me pak se 300 milionë, ndërsa “Titanic” ndodhet më poshtë në rënditje me 200 milionë.

Ky është një revolucion për botën e filmit, pasi James Cameron ka realizuar një film që sipas Gianopulos, do ngelët në kujtesën e disa dekadave.

“Ai kishte vite që mendonte të realizonte këtë ide dhe po priste vetëm mundesinë teknologjike për ta bërë këtë”, shtoi Gianopulos per CNN. Në këtë film, ngjarjet zhvillohen në planetin Pandora ku protagoniste jane qeniet njerëzore dhe speciet e këtij planeti.