Rita Wilson shet skenarin e parë

Aktorja Rita Wilson ia ka shitur një skenar komedie kompanisë filmike Twentieth Century Fox.
Aktorja e filmave “Spleeples In Seattle” dhe “Runaway Bride”, e cila është e martuar me yllin hollivudian, Tom Hanks, pritet që ta luajë edhe rolin kryesor në filmin e bazuar në skenarin e saj me emrin “Terms Of Embarrassment”.

Subjekti i skenarit flet për një çift martesor në moshë mesatare, të cilët regjistrohen në të njëjtin kolegj me djalin e tyre.

Kjo është hera e parë që Rita ka shkruar një skenar, ndërsa përveç roleve si aktore, në të kaluarën ajo ka qenë producente e filmave “My Big Fat Greek Wedding” dhe mjuziklit “Mamma Mia!”.