Albumi i ri i Susan Boyle, në vend të parë në SHBA

Albumi i ri i Susan Boyle, në vend të parë në SHBA


Susan Boyle u ngrit në majat e listave amerikane të albumeve muzikore me debutimin e saj më të parë, duke shitur një numër rekord për 2009-ën prej 701,000 kopjesh, njoftuan regjistruesit e shitjeve muzikore Nielsen Soundscan të mërkurën.

Boyle, 48 vjeçare, një këngëtare e thjeshtë skoceze që u bë e njohur në të gjithë botën në prill në YouTube, pas shfaqjes në kompeticionin britanik të talenteve "Britain's Got Talent", ishte renditur dhe në krye të listave britanike në fillim të javës.

Kënga e saj "I Dreamed a Dream", e cila doli në treg javën e kaluar, ka shënuar albumin më të mirë debutues në SHBA që kur kanë filluar regjistrimet e SoundScan në 1991, shkruante Billboard.com online.

Billboard tha se SoundScan kishte regjistruar vetëm një album me një hapje më të mirë se Boyle.

Albumi i reperit amerikan Snoop Dogg, "Doggystyle" ka shitur 803,000 kopje në javën e tij të parë në 1993, përpara se shitjet tradicionale të albumeve të binin ndjeshëm për arsye të piraterisë dhe zhvendosjes në tregun dixhital.

Albumi i Boyle ka hyrë në vend të parë në 200 albumet më të mirë të Billboard përpara ndjekësit të tij që vjen nga një tjetër kompeticion talentesh por kësaj here përtej Atlantikut, vendi i dytë i "American Idol" Adam Lambert, albumi i të cilit u rendit në vend të 3-të me 198,000 kopje.