10 gjërat më të mira për 2009?

10 gjërat më të mira për 2009?


Ky është një sezon për të qenë të hareshëm dhe për të krijuar lista, që me afrimin e fundit të dekadës do të renditen që nga dhjetë fjalët më të përdorura të dekadës, VIP-at më të pëlqyer, apo dhurata më idiote për një person që ka gjithçka.

Teksa 2009-ta i jep fund dekadës së parë të shekullit të 21-të, organizatat po krijojnë lista të llojeve nga më të ndryshmet për sendet apo eksperiencat më të fundit të dekadës, duke i quajtur ‘të domosdoshme’ apo të ‘panevojshme’ me revistat dhe faqet e internetit të uritura për lexime të shpejta.

"Listat janë të shpejta dhe të lehta për t’u kapërdirë në krahasim me artikujt e zgjeruar dhe shpeshherë njerëzit kërkojnë vetëm informacione të shpejta”,- thotë Nicole Feenstra, gazetare udhëtimesh e faqes kanadeze të internetit Canoe.ca.

Kompania e statistikave të medias Global Language Monitor ka kurorëzuar "ngrohjen globale" si fjalën më të madhe të dekadës, e ndjekur nga 11 Shtatori i sulmeve në Shtetet e Bashkuara dhe nga presidenti i fundit i SHBA-së, Barack Obama.

Ngritja gjigante e Kinës është vlerësuar si lajmi më i lexuar nga kompania, por zgjedhja e fjalës "twitter" (cicërima) si më e madhja e 2009 ishte duke u debatuar, siç ishte dhe fjala e re e fjalorëve New Oxford American Dictionary, që krijuan "unfriend," duke iu referuar përdoruesve të rrjetit social të internetit Facebook kur nuk duan të jenë miq më me një nga kontaktet e tyre.

Kompania e referencave gjuhësore Merriam-Webster Inc. tha se fjala e vitit do të ishte "admonish" (kritikë kundër një sjelljeje) pasi kishte qenë në krye të listës së fjalëve më të kërkuara në fjalorë kur Shtëpia e Bardhë tha se do të kritikonte (admonish) republikanin Joe Wilson për sjelljen e tij gjatë një fjalimi nga Obama.

Listat e albumeve dhe këngëve më të mira prodhohen nga organizata të shumta, por vetë reperi Jay-Z e ka zgjidhur këtë problem duke shpallur albumin e tij "The Blueprint" si më të mirin e dekadës.

Eminem u kurorëzua si artisti më i mirë i dekadës nga shifrat e kompanisë Nielsen SoundScan, kurse Billboard ka emëruar Daniel Powter si artistin më të shpeshtë në Nr. 1 pasi kënga e tij "Bad Day" qëndroi në krye të hiteve të SHBA për pesë javë me radhë në 2006.

Listat e filmave ishin ato ku publiku ishte më shumë i pavendosur. Kritiku i revistës New Yorker , Richard Brody, emëroi më të mirin e dekadës filmin e regjisorit Jean-Luc Godard "In Praise of Love" (Duke lavdëruar dashurinë), por shumë nuk ishin dakord me të.

Revista Hollywood Reporter emëroi "The Adventures of Pluto Nash" me aktorin Eddie Murphy i vitit 2002 si filmin më të dështuar të dekadës, kurse "Friends" si serialin më të ndjekur televiziv.

Ylli i Hollivudit, Angelina Jolie u emërua si VIP-i më i rëndësishëm i dekadës nga revista e celebriteteve Hello! Canada pas transformimit dramatik gjatë kësaj periudhe nga një fëmijë i egër në një ambasadore të OKB-së të përfshirë gjerësisht në aktivitete bamirësie.

10 mjetet më të mira të dekadës? ABC News kishte krijuar një listë ku përfshihej celulari i Apple iPhone, iPod-i, Blackberry, celularët e Nintendo-s Wii, dhe lexuesit elektronikë të librave – dhe gjithashtu kishte publikuar një listë të re me dhjetë kërcënimet kryesore të shëndetit ku sigurisht në krye drejtonte gripi i derrit.

Stilisti më i mirë i modës i dekadës? Revista Paste Magazine ia dha këtë çmim Marc Jacobs lurse në letrat romani i Jonathan Safran Foer "Everything Is Illuminated" (Çdo gjë është e ndriçuar) si romani më i mirë debutues i dekadës.

Për sa i përket ‘look-ut’ më të keq të dekadës, faqja e internetit news.com.au ka listuar këpucët e Crocs, shpatullat e gjera, çantat e tejmëdha të grave, syzet e diellit të stërmëdha, çizmet e firmës Ugg dhe djemtë me këpucë të bardha si katastrofat më të mëdha të stilit.

Lista vjetore apo sezonale janë nxjerrë thuajse mbi çdo temë të imagjinueshme, ku ajo e dhuratës më idiote e sitit www.stupid.com përfshinte ushqim drerësh për njerëzit apo një numërues birrash për të ruajtur sasinë e pijeve gjatë festave. / Nga Belinda Goldsmith / g.agon / foto: drunkard / 10 dhjetor 2009 /